Dualarımız niyə qəbul olunmur?
Digərləri 10 Fev 2018 20:45:00 242 0
Bizlərdən bir çoxu şikayət edir ki, hər gün Allaha tərəf əllərimizi açmağımıza və o cümlədən, ziyarətlərə getməyimizə, Ərbəin yürüşündə iştirak etməyimizə baxmayaraq, dualarımız qəbul olmur.
Son.az deyerler.org-a istinadən bildirir ki, İmam Səccada (ə) sual verirlər ki, necə olur ki, dualarımız qəbul olunmur? Həzrət (ə) buyurur: "Duanın yerinə yetməsinə mane olan günahlar ibarətdirlər:
- niyyətin pis olması,
- batinin napak olması,
- Allah tərəfindən həmin duanın yerinə yetməsinə ümidin olmaması,
- vacib namazı təxirə salmaq,
- danışan zaman söyüşdən və pis sözlərdən istifadə etmək".
Niyyətin pis olması.
Əgər insan niyyət edən zaman nəfsi ona qalib gələrsə, belə dualar İlahi hədəf daşımazsa - o zaman yerinə yetməsində maneələr yaranar. İmam Əli (ə) buyurur: "Hər kimin niyyəti yaxşı olarsa, tövfiq ona yardım edəcəkdir".
Batinin napak olması.
Yəni, bu insan - bilərəkdən və ya bilməyərəkdən şeytanın (lən) quludur və insanların xeyirini istəmir. O, insanlara həsəd aparır və onların qəminə sevinir.