Avropa İttifaqının ali nümayəndəsi: "Dağlıq Qarabağ münaqişəsi çox ciddi problem olaraq qalır"
Siyasət 09 Fev 2018 14:55:15 293 0
Ali nümayəndə Vyana, Sankt-Peterburq və Cenevrədə yüksək səviyyəli dialoqun bərpasını alqışlayıb
"Report" xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Federika Mogerini Avropa İttifaqı - Azərbaycan Əməkdaşlıq Şurasının 15-ci iclasının yekunları üzrə Azərbaycanın xarici işlər naziri Elmar Məmmədyarovla birgə keçirdiyi mətbuat konfransında deyib.
O, Vyana, Sankt-Peterburq və Cenevrədə yüksək səviyyəli dialoqun bərpasını alqışlayıb və tərəfləri danışıqların intensivləşdirməyə və təmas xəttində gərginliyi azaltmağa çağırıb.
"Status-kvo dayanıqlı deyil və münaqişənin hərbi bir həlli yoxdur. Onun beynəlxalq hüquq çərçivəsində siyasi həllini tapmaq lazımdır", - Mogerini qeyd edib.
Ali nümayəndə bildirib ki, Aİ ATƏT-in Minsk qrupunun səylərini və etimadın yaradılması üzrə tədbirlərini dəstəkləyir.