Rusiyadan Azərbaycan ərazisi ilə İrana ilk sınaq yük qatarı yola salınıb
İqtisadiyyat 08 Fev 2018 15:37:08 360 0
Gələn ay Azərbaycan və İran prezidentlərinin iştirakı ilə Astara (Azərbaycan) - Astara (İran) beynəlxalq dəmir yolunun istifadəyə verilməsi gözlənilir
Bu ilin mart ayında Azərbaycan və İran prezidentlərinin iştirakı ilə Astara (Azərbaycan) - Astara (İran) beynəlxalq dəmir yolunun istifadəyə verilməsi gözlənilir.
“Report” Azərbaycan Dəmir Yolları” QSC-yə (ADY) istinadən xəbər verir ki, bu gün dəmir yolu marşrutu ilə Rusiyadan gələn 6 vaqondan ibarət ilk sınaq yük qatarı İrana yola salınıb.
Vaqonların yükü taxta və MDF-dən ibarətdir.
ADY-nin Yük daşımaları departamentinin rəis müavini Pənah Kərimovun verdiyi məluma görə, hazırda İranın Astara stansiyasındakı terminalda vaqonların boşaldılması prosesi gedir.
Xatırladaq ki, “Şimal-Cənub” Beynəlxalq Nəqliyyat Dəhlizinin əsasını təşkil edən, Qəzvin-Rəşt dəmir yolunun davamı olan Astara(İran)-Astara(Azərbaycan) dəmir yolu xətti İran ilə Rusiyanın dəmir yolları sistemlərini Azərbaycan vasitəsilə birləşdirəcək.
Mənbə: report.az