Artıq 3 həftədir ki, Samsung şirkətinin ən yeni smartfon seriyası olan Galaxy A smartfonlarınının Azərbaycan bazarında satışına start verilib. Yeni smartfon metal çərçivə, hər iki tərəfdən gücləndirilmiş şüşə ilə əhatə olunan, AlwaysOn Display funksiyasının əks etdirdiyi saat formatı və əlbəttə ki, trendlərə uyğun 18.5:9 icazəsi olan "sərhədsiz"display ilə Galaxy S8-i xatırladır. Lakin qeyd etmək lazımdır ki, bu smartfonların ekran dizaynının "flaqmanlardan" fərqi yan bucaqlarının "qövsvari" olmaması və azacıq enli çərçivəsidir. Amma bu məqamın sayəsində ekrana təsadüfi mexaniki toxunuşların qarşısı alınır. A seriyasının təmsilçiləri bir-birindən sadəcə displey diaqonalları ilə fərqlənir, A8 üçün bu 5.6", A8+ üçün isə - 6".1080х2220 (Full HD+) icazəli displey Super AMOLED matritsa əsasında işləyir. Bu matritsa sayəsində çalarlar daha təbii və canlı, qara rəng isə daha dərin və dolğun ifadə olunur. Burada müxtəlif işləmə rejimləri, özünüzə uyğun incə ayarlama və ekran parlaqlığının avtomatik tənzimlənməsi mövcuddur. Maksimal parlaqlıq dərəcəsində siz asanlıqla günəş şüaları altında işləyə bilər, minimal həddə isə hətta qaranlıq otaqda belə smartfondan asanlıqla istifadə edə bilərsiniz. Əlavə olaraq qeyd etmək lazımdır ki, Galaxy A-nın ekranı "göy" rəngin tənzimlənməsi funksiyası ilə də təchiz olunub ki, bunun sayəsində hətta uzun müddətli istifadə zamanı gözləriniz yaşarmır və az yorulur. A seriyasında displeyin zahiri görünüşü tamamilə yenilənib, belə ki, adət etdiyimiz "Home" düyməsi ləğv olunub, barmaq izi skaneri isə, korpusun arxa hissəsində, əsas kameranın altında yerləşdirilib.