ADGTT həftəsonu maraqlı repertuar vəd edir
Kriminal 02 Fev 2018 19:30:00 304 0
Azərbaycan Dövlət Gənc Tamaşaçılar Teatrının həftəsonu repertuarı maraqlı tamaşalarla zəngindir. Həmişə olduğu kimi bu həftə də teatrın repertuarı həm məktəblilər həm də gənc və yaşlı nəslin zövqünü oxşamağa çalışıb. Belə ki, fevralı ayının 3-də X. Əlibəylinin "Dovşanın ad günü" , fevralın 4-də isə A.Şaiqin "Danışan gəlincik" tamaşalarının qəhrəmanları məktəblilərin görüşünə gələcək. Tamaşalar saat 12:00 və 14:00-da nümayiş olunacaq. Teatrın axşam tamaşaları repertuarında isə 3 fevral tarixində M.F.Axundzadənin " Hekayəti-Xırs-quldurbasan", 4 fevral tarixində isə Y.Abramov və L.Bəyimin "Yarımçıq qalmış" tamaşaları nümayiş olunacaq . Tamaşalar saat 19:00-da başlanır.
Tamaşaçılar tərəfindən hər zaman maraqla qarşılanan səhnə əsərlərində rolları Əməkdar artistlər Qurban İsmayılov, Elşən Rüstəmov, Nofəl Vəliyev, Şövqü Hüseynov, Gülər Nəbiyeva, Nübar Novruzova, Vahid Əliyev, aktyorlar Günel Məmmədova, Elnur Kərimov, Elnur Hüseynov, Asya Atakişiyeva, Manaf Dadaşov və teatrın digər sevilən aktyorları ifa edir.
Tamaşalara biletləri mərkəzləşdirilmiş kassalardan və "Asan xidmət" filiallarından əldə edə bilərsiniz.
Xəbərə aid fotolar
Mənbə: milli.az