"Burnley" və Belçika millisinin yarımmüdafiəçisi Stiven Defur 2018-ci il dünya çempionatından kənarda qala bilər. Goal.az xəbər verir ki, dizindən zədə alan 29 yaşlı havbek fevralın 5-də əməliyyat olunacaq. Onun reablitasiyasına təxminən 5-6 ay lazım olacaq. Defur dünya çempionatına kimi sağalacağı halda belə optimal formada olmayacaq. Bu mövsüm Premyer Liqada 24 oyun keçirən futbolçu 1 qol, 1 məhsuldar ötürmənin müəllifidir.