Paytaxtda sərxoş sürücü sürət həddini aşaraq qəza törədib, yaralananlar var
Sosial 01 Fev 2018 01:28:38 284 0
Hadisə Suraxanı rayonu ərazisində baş verib
Bakının Suraxanı rayonunda xəsarətlə nəticələnən yol qəzası baş verib.
“Report” xəbər verir ki, 1992-ci il təvəllüdlü Emin Səfərəliyev sərxoş vəziyyətində "VAZ-2106" markalı avtomobil ilə hərəkətdə olarkən sürət həddini aşıb və qəfil idarəetməni itirib.
Nəticədə avtomobil yol kənarındakı ağaca çırpılıb. Sürücü E.Səfərəliyev və sərnişin 1992-ci il təvəllüdlü Elçin Babayev xəsarət alaraq 3 saylı Kliniki Tibbi Mərkəzə yerləşdirilib.
Suraxanı Rayon Polis idarəsində araşdırma aparılır.
Mənbə: report.az