Bakı-Quba yolunda avtomobil piyadanı vuraraq öldürüb
Sosial 01 Fev 2018 01:03:43 288 0
Piyada qəfil maşının yoluna çıxıb
Bakıdan Sumqayıta gedən yolda avtomobil piyadanı vuraraq öldürüb.
“Report” xəbər verir ki, hadisə Bakı-Quba yolunun Binəqədi rayonu ərazisinə düşən hissəsində baş verib.
"90-NK-668" dövlət qeydiyyat nişanlı "Mercedes Vito" markalı avtomobil qəfil yola çıxan təxminən 30-35 yaşlı kişini vurub.
Sürücü yaralını xəstəxanaya çatdırsa da, o, həkimlərin səyinə baxmayaraq, dünyasını dəyişib.
Faktla bağlı Binəqədi Rayon Polis İdarəsinin əməkdaşları sürücünü saxlayıb.
Araşdırma aparılır.
Mənbə: report.az