Olivye Jiru Londonun digər klubunda
İdman 31 Yan 2018 22:15:00 265 0
"Arsenal"ın hücumçusu Olivye Jiru karyerasını "Chelsea"də davam etdirəcək. Goal.az xəbər verir ki, "zadəganlar" 31 yaşlı forvardı 1.5 il müddətinə heyətə cəlb edib. Tərəflərin razılığı əsasında bu müddət daha 1 il uzadıla bilər. Transfer "Arsenal"a 15.3 milyon funt birbaşa, 2.2 milyon funt isə bonus şəklində vəsait qazandıracaq. Jirunun yeni klubunda 18 nömrəli forma geyinəcəyi də məlum olub. 2012-ci ildə "Montpellier"dən "Arsenal"a 10 milyon funta keçən fransalı hücumçu bu mövsüm meydana çıxdığı 16 oyunda 4 dəfə fərqlənib.
Mənbə: goal.az