Aktivləşdirilmiş kömür - sorbent - dərman preparatıdır.   Son.az immunitet.az-a istinadən bildirir ki, antibiotiklərdən fərqli olaraq, asılılıq yaratmır, qaraciyər və bağırsaqları yükləmir.

Qara kömür istənilən zəhərlənmə, mədə-bağırsaq pozulmalarında, diareya, meteorizm, allergiya, bronxial astma, hepatit, serroz və dəri xəstəliklərində müəyyən qayda və dozada qəbul olunur.

Sorbent - yəni kömür uducu, hopdurucu xassəyə malikdir. Orqanizmdən şlaklar, toksinlər, zərərli maddələri çıxarır. O sanki maqnitdir, ən xırda molekulyar strukturları da cəzb edir və blok edir.

Müasir dövrdə pis ekologiya, hava, su, qida, stress səbəbi ilə orqanizmdə çoxlu miqdarda toksinlər, zərərli maddələr yığılır. Bunlar orqanizmi daxildən çirkləndirir, yükləyir, insanı halsızlaşdırır, tez qocaldır.

Orqanizmə təmizlənməkdə kömək etmək lazımdır. Yaxşı olar ki, ildə 2 dəfə qara kömürlə təmizlik kursu aparılsın.

Evdə ən rahat, ən ucuz təmizləmə prosesi məhz qara kömürlə aparılır. Qara kömür 4000-dən çox toksini, kimyəvi maddəni, hətta narkotik qalıqlarını da  çıxarır.

Kömürlə təmizlənmə prosesinə başlamazdan öncə mütləq həkiminizlə məsləhətləşin.