Poroşenko Rusiyaya qarşı yeni sanksiyalara görə ABŞ-a minnətdarlığını bildirib
Dünya 26 Yan 2018 22:29:48 243 0
Bu barədə o, ABŞ-ın dövlət katibi ilə görüşdən sonra "Twitter"də yazıb
Ukrayna prezidenti Pyotr Poroşenko Rusiyaya qarşı yeni sanksiyaların tətbiqinə görə Birləşmiş Ştatlara minnətdarlığını bildirib.
“Report” xəbər verir ki, bu barədə o, ABŞ-ın dövlət katibi Reks Tillerson ilə görüşdən sonra "Twitter"də yazıb.
"ABŞ-ın BMT Təhlükəsizlik Şurasında tam dəstəyinə və Rusiyaya qarşı sanksiyalar siyasətinin davam etdirilməsinə görə minnətdaram", - deyə o bildirib.
Poroşenkonun sözlərinə görə, onlar Tillerson ilə müdafiə və təhlükəsizlik sahəsində koordinasiya barədə razılığa gəliblər.
Xəbər verildiyi kimi, ABŞ Ukraynadakı vəziyyət səbəbindən Rusiyaya qarşı sanksiyaları genişləndirib.
Mənbə: report.az