Qvatemalada avtobusun uçurumdan yuvarlanması nəticəsində azı 15 nəfər ölüb, daha 30 nəfər yaralanıb.

“Report” "Prensa Libre" nəşrinə istinadən xəbər verir ki, qəza Ueuetenanqo departamentində baş verib.

Sürücü güclü yağışlardan sonra məcrasından çıxan çayı dayaz yerindən keçmək istəyib. Lakin su axını avtobusu özü ilə aparıb və nəticədə nəqliyyat vasitəsi 40 metr dərinliyində olan yarğana düşüb.