AŞ PA sessiyasında "Qarabağ"dan danışdılar: Klub erməni işğalı səbəbindən rəqiblərini Ağdamda qəbul edə bilmir
Siyasət 24 Yan 2018 16:18:00 282 0
"Azərbaycanı, o cümlədən Ağdam şəhərini təmsil edən "Qarabağ" futbol klubu İngiltərə, İspaniya və İtaliyadan olan rəqiblərini doğma meydanında qəbul edə bilmədi. Buna səbəb Ağdamın hələ də erməni silahlılarının işğalı altına qalmasıdır".
Son.az Trend-ə istinadən xəbər verir ki, bunu AŞ PA-nın qış sessiyasında Milli Məclisin deputatı Rövşən Rzayev deyib.
R.Rzayev qeyd edib ki, futbol Azərbaycanda ən populyar idman növüdür: "Qarabağ" Azərbaycan tarixində ilk dəfə olaraq UEFA Çempionlar Liqasının qrup mərhələsində çıxış etdi. Komanda turnirdə ləyaqətlə mübarizə apardı".
Millət vəkili ümid etdiyini bildirib ki, "Qarabağ" gələcəkdə daha böyük qələbələr qazanacaq və rəqiblərini doğma şəhərində qəbul edə biləcək.
Digər maraqlı xəbərlər Son.az-ın Facebook səhifəsində
Mənbə: milli.az