Bakıda arxa istiqamətdə hərəkətdə olan avtomobil sərxoş piyadanı vurub
Sosial 23 Yan 2018 02:54:38 300 0
Faktla bağlı Sabunçu Rayon Polis İdarəsinin 12-ci Polis Bölməsi araşdırma aparır
Bakıda bir nəfərin xəsarət alması ilə nəticələnən yol qəzası baş verib.
"Report" xəbər verir ki, hadisə Sabunçu rayonunda qeydə alınıb.
Natavan küçəsində 58 yaşlı Qurbanov Vasif Valeh oğlu sərxoş vəziyyətdə yolun avtomobillər üçün nəzərdə tutulan hissəsinə çıxıb. Bu vaxt arxaya doğru hərəkət edən "Mercedes" markalı avtomobil V. Qurbanovu vurub. Müxtəlif bədən xəsarətləri alan yaralı xəstəxanaya yerləşdirilib.
Faktla bağlı Sabunçu Rayon Polis İdarəsinin 12-ci Polis Bölməsi araşdırma aparır.
Mənbə: report.az