Yeni LG monitorları HDRli oldu
Digərləri 20 Yan 2018 08:55:00 306 0
"LG" şirkəti "High Dynamic Range" (HDR) texnologiyasını dəstəkləyən üç yeni monitor modeli təqdim edib. "27UK650-W", "29WK600-W" və "34WK650-W" adlı qurğular müvafiq olaraq 27, 29 və 34 düym diaqonallı ekranlarla təchiz edilib.
Son.az ICTnews-a istinadən bildirir ki, monitorlardan birinin təsvir ölçüsü 3840x2160 piksel, digər ikisinin isə 2560x1080 piksel təşkil edir. Yeni qurğular horizontal və vertikal üzrə 178 dərəcə baxış bucağı, 1000:1 kontrastlıq və 5 milli-saniyə reaksiya vermə vaxtı ilə xarakterizə edilir.
"27UK650-W" monitoru 350 kd/m2, "29WK600-W" və "34WK650-W" isə 300 kd/m2 maksimal işıq parlaqlığına malikdir. Qurğuların hər biri iki "HDMI" çıxışı və bir "DisplayPort" ilə təchiz olunub. Bundan əlavə, qaranlıq yerlərdə keyfiyyətli təsviri təmin edən "Black Stabilizer" texnologiyası dəstəklənir.
Yeni "LG" monitorlarının yanvarın sonunda satışa çıxarılması nəzərdə tutulur.
Mənbə: milli.az