Çin iqtisadiyyatında artım son 8 ildə ilk dəfə sürətlənib


İqtisadiyyat 18 Yan 2018 14:59:47 266 0

Çin iqtisadiyyatında artım son 8 ildə ilk dəfə sürətlənib

Əsas kapitala investisiyalarda artım isə 26 illik minimumuna enib

Çin iqtisadiyyatının 2017-ci ildə artım tempi 2010-cu ildən ilk dəfə sürətlənib və 6,9% təşkil edib.

"Report" "Bloomberg" agentliyinə istinadən xəbər verir ki, bu məlumatı Çin Statistika Bürosu yayıb.

Məlumatda bildirilib ki, Çin iqtisadiyyatının 2016-cı ildə 6,7%-lik iqtisadi artım tempinin 2017-ci ildə sürətlənərək 6,9%-ə çatmasına səbəb ixracın genişlənməsi, büdcə gəlirlərinin artması, ev təsərrüfatlarının gəlirlərinin yüksəlməsi və korporativ mənfəətin artması amilləri ilə bağlı olub. 

Qeyd edək ki, 2016-cı ildə Çin iqtisadiyyatı son 26 ilin ən minimal səviyyəsində artım göstərib. 

Bununla yanaşı, bildirilir ki, 2017-ci ildə əsas kapitala investisiyalar 7,2% artaraq 18 ilin minimal səviyyəsinə enib.

Xatırladaq ki, IV rübdə Çin iqtisadiyyatı illik müqayisədə 6,8% artıb.