Fransa Liqasının 20-ci turunda baş tutan "Nantes" - PSG (0:1) oyununda maraqlı hadisə qeydə alınmışdı. Matçın sonunda baş hakim Toni Şapron ehtiyatsızlıqdan ona ilişən Diyeqo Karlosa əvvəlcə ayaqla zərbə vurmuş, sonra isə ona qırmızı vərəqə göstərmişdi. Goal.az xəbər verir ki, Şapron Liqa 1-in İntizam Komitəsinə göndərdiyi hesabatda futbolçunun 2-ci sarı vərəqəsini ləğv etməyi istəyib. Referi epizodun təkrarını izlədikdən sonra bu qərarı verib. O, futbolçunun ona qəsdən toxunmadığı qənaətinə gəlib.