Dedim: "Ya Əmirəl-möminin! Görürəm ki, fikrə getmisən və torpağı tədqiq edirsən. Ona rəğbətin yaranıbdır?".   Son.az deyerler.org-a istinadən bildirir ki, Həzrət (ə) buyurdu: "Xeyr, Allaha and olsun ki, bir gün belə dünyaya rəğbətim olmamışdır və olmur da. Dünyaya gələcək insan haqqında düşünürəm ki, mənim on bir nəslimdə aşkar olacaqdır. Adı Məhdidir (ə.f).

Yer üzü zülmə bürünəndən sonra ədalətlə dolduracaqdır. Onun məsələsi heyrətləndiricidir. Bir müddət qeyb olacaqdır. Bu səbəbdən bir dəstə ona görə yolunu azacaqdır, bir dəstə isə hidayət olacaqdır".   Dedim: "Ya Əmirəl-möminin! Həqiqətən də bu hadisə baş verəcəkdirmi?".   Həzrət (ə) buyurdu: "Bəli, elə ki, o, xəlq olacaqdır, bu hadisə baş verəcəkdir. Sən nə bilirsən, ey Əsbəğ! Onlar bu ümmətin seçilmişləridirlər".   Soruşdum: "Bəs ondan sonra nə olacaqdır?".   Buyurdu: "Allah hər nəyi istəsə, yerinə yetirəcəkdir, çünki Allah Təalanın hər bir şeydə iradəsi, qəsdi və hədəfi vardır". (Həvzəh)   Allahım, o Həzrətin (ə.f) zühürunu təcil et!