Son.az medicina.az-a istinadən bildirir ki, tərləmək vücudda baş verən normal hal sayılır. Ancaq çox tərləmək bəzi problemlərə səbəb ola bilər. Adətən panik atak, stress, əsəbilik, depressiya çox tərləməyə şərait yaradır. Əl tərləməsinin necə baş verdiyi hələ bilinmir. Bunun bir çox səbəbi ola bilər. Bəzən aşağı qan şəkəri, aktiv tiroid, infarkt, klimaks, spirtli içki istifadəsi tərləməyin əlaməti ola biləcəyi üçün diqqətdən kənar qoymamalısınız. İstifadə edilən bəzi dərmanlar vücudda əllər də daxil olmaqla hədsiz tərləmə yarada bilər.

Bəs əllərdəki tərləmənin qarşısını necə almaq olar?

Medicina.az  təbii yollarla müalicə üsulunu təqdim edir:

Körpə pudrası - Tərli əllərdən qurtulmağın ən sadə və təsirli üsullarından biridir. Xoş olmayan qoxuları aradan götürür.

Alma sirkəsi - Vücuddakı pH səviyyələrini tənzimləyir. Dərinin artıq tərləməsinin qarşısını almaqda sizə kömək edəcək. 2 çay qaşığı alma sirkəsini bir stəkan ilıq suda qarışdırıb bal tökərək içə bilərsiniz və ya əllərinizə çəkə bilərsiniz.