Hindistan Andxra-Pradeş ştatında Şrixarikota adasında 31 peykli PSLV raket-daşıyıcısını kosmosa uğurla buraxıb.

Son.az Trend-ə istinadən bildirir ki,  raketin kosmosa çıxardığı "Cartosat-2" Hindistanın çəkisi 700 kiloqramdan çox olan ən böyük peyki olub.

Peyk Yerin səthini müşahidə etmək üçün nəzərdə tutulub. Bu peykdən başqa, raket Hindistan istehsalı olan 100 kiloqramlıq mikropeyk və 5 kiloqramlıq nanopeyk buraxıb. Bundan əlavə, Kanada, Finlandiya, Cənubi Koreya, Böyük Britaniya və ABŞ istehsalı olan daha 28 nanopeyk buraxılıb.