Son.az islam.az-a istinadən bildirir ki, bu hökmün izahı budur ki, müctəhidlər bu əməlin qəti surətdə haram olduğu barədə qəti dəlilə malik deyillər, əldə olan sübutlara əsasən bunu ehtiyata görə haram bilirlər. Saqqalın ölçüsünün aşağı həddi ürfə (adət-ənənətə və ictimai rəyə) bağlıdır. Yəni insanın üzündə ən azı o qədər tük olmalıdır ki, görənlər "üzündə saqqalı var" desinlər. Saqqalın uzunluğunun yuxarı həddi isə bir ovuc miqdarında qəbul edilib. Yəni insan saqqalını ovcu ilə sıxanda, uzunluğu dörd barmaq enindən kənara çıxmasın. Bu hədd müstəhəb sayılır, bundan uzun saqqal saxlamaq günah deyil.