Dünya Bankı qlobal iqtisadiyyatla bağlı 2018-ci ilin əsas risklərini açıqlayıb
İqtisadiyyat 10 Yan 2018 15:15:49 241 0
Mərkəzi bankların sürətlə faiz artırması siyasəti riskli ola bilər
Bununla yanaşı Dünya Bankı xəbərdarlıq edib ki, əgər hökumətlər struktur islahatları həyata keçirməsə, qlobal iqtisadi artım müvəqqəti olacaq.
Əmək bazarında doyma nöqtəsinə yaxınlaşdıqları üçün dünyanın aparıcı ölkələrində növbəti illərdə iqtisadi artımın yavaşlaması gözlənilir. Bankın proqnozlarına görə, inkişaf etmiş ölkələrin iqtisadi artım tempi 2017-ci ildəki 2,3%-dən 2018-ci ildə 2,2%-ə, 2020-ci ildə isə 1,7%-ə enəcək.
Bununla yanaşı, Dünya Bankı qlobal iqtisadiyyat üçün qısamüddətli riskləri açıqlayaraq bildirib ki, FED-in və digər mərkəzi bankların monetar siyasətlərini daha çevik sərtləşdirməsi nəticəsində qlobal bazarlarda ucuz borclanma dövrü anidən bitə bilər. Bu da öz növbəsində kapital bazarları üçün həddindən artıq təhlükəlidir. Risklər arasında həmçinin proteksionizm və qlobal ticarət həcmində artımın yavaşlaması amilləri göstərilir.