Dollar möhkəmlənməyə başlayıb
İqtisadiyyat 09 Yan 2018 16:36:38 215 0
Bununla yanaşı, ABŞ-da faizlər artmağa başlayıb
BoJ-un qərarından sonra əvvəlcə Yaponiyada, daha sonra Avropada faizlər artmağa başlayıb. Bununla yanaşı, ABŞ dövlət istiqrazlarının faizlərində də artım müşahidə olunub. Belə ki, ABŞ-da 10 illik etalon dövlət istiqrazlarının faizləri son 10 ayda ilk dəfə 2,50% səviyyəsini ötüb. "ING Bank NV"-nin faiz strategiyası üzrə mütəxəssisi Martin van Vilet bildirib ki, "ABŞ bazarının açılması və törəmə maliyyə alətləri ilə əməliyyatların başlamasından sonra nələr olacağını görmək maraqlıdır. Əgər 10 ilik istiqrazların faizi 2,50% səviyyəsini aqressiv şəkildə ötərsə, o zaman 2,60%-ə doğru hərəkətin şahidi ola bilərik".
"Report"un analitik qrupu bildirir ki, əgər ABŞ-ın 10 illik istiqrazlarında artım davam edərsə, dolların möhkəmlənməsi prosesi bir müddət aktuallığını qoruyacaq.