Naftalanda fəhlə iş zamanı ölüb
Sosial 09 Yan 2018 11:13:22 279 0
Faktla bağlı araşdırma aparılır
Naftalan şəhərində fəhlə iş zamanı ölüb.
"Report"un Qərb bürosunun məlumatına görə, hadisə şəhərdəki tikintilərin birində baş verib.
Belə ki, orada işləyən 43 yaşlı fəhlənin halı qəfildən pisləşib və dünyasını dəyişib.
Hadisə yerinə hüquq-mühafizə orqanlarının əməkdaşı və təcili tibbi yardım briqadası cəlb olunub. Həkimlərin müayinəsi zamanı fəhlənin infarkt keçirərək öldüyü məlum olub.
Mərhumun yaxınlarının dediyinə görə, əvvəllər də onun səhhətində problemlər olub və xəstəxanaya müraciət edib. Həkimlər isə ona ağır işdən uzaqlaşmasını məsləhət görüblərmiş.
Faktla bağlı araşdırma aparılır.
Mənbə: report.az