Britaniyada şahzadənin toy günü spirtli içkilərin satış müddəti uzadılacaq
Dünya 08 Yan 2018 20:24:00 286 0
Böyük Britaniyada şahzadə Harrinin bu ilin mayında amerikalı aktrisa Meqan Markl ilə toy günü və həmin ərəfədə spirtli içkilərin satışına icazə müddəti uzadılacaq.
Son.az Trend-ə istinadən xəbər verir ki, qəbul edilən qərara əsasən, bu ilin 18-19 may tarixlərində Böyük Britaniyada spirtli içkilər yerli vaxtla saat 01:00-dək satılacaq.
Hazırda ölkədə spirtli içkilərin satışı saat 23:00-dək həyata keçirilir.
Bu cür güzəştlər daha əvvəl kraliça II Yelizavetanın 90 illik yubileyi, şahzadə Uilyamın toyu, eləcə də 2014-cü il futbol üzrə dünya çempionatı müddətində tətbiq olunmuşdu.
Mənbə: milli.az