Biləsuvarda evlərdən oğurluq etməkdə şübhəli bilinən şəxs saxlanılıb


Digərləri 30 Dek 2017 12:21:00 211 0

Biləsuvarda evlərdən oğurluq etməkdə şübhəli bilinən şəxs saxlanılıb

Biləsuvar Rayon Polis Şöbəsinin əməkdaşları tərəfindən keçirilmiş əməliyyat tədbirləri nəticəsində evlərə pəncərədən daxil olaraq oğurluq etməkdə şübhəli bilinən şəxs saxlanılıb.

Bakı. Biləsuvar Rayon Polis Şöbəsinin əməkdaşları tərəfindən keçirilmiş əməliyyat tədbirləri nəticəsində evlərə pəncərədən daxil olaraq oğurluq etməkdə şübhəli bilinən şəxs saxlanılıb. Daxili İşlər Nazirliyinin mətbuat xidmətinin Lənkəran Regional qrupundan Trend-ə verilən məlumata görə, saxlanılan Biləsuvar şəhər sakini Böyükxan Ağayevin ətrafında aparılmış tədbirlərlə müəyyən edilib ki, o, cari il mayın 10-da həmyerlisi Rəşad Rufullayevin şəhər ərazisindəki mənzilinə pəncərədən daxil olub və oradan 1000 manat pul, həmçinin qızıl üzük oğurlayıb. Onun bir neçə gün sonra Ülvi Babayevin şəhər ərazisindəki evinə də eyni üsulla daxil olaraq 450 manat pul və 1500 manat dəyərində qızıl-zinət əşyalarını oğurladığı məlum olub. Davam edən əməliyyat-axtarış tədbirləri nəticəsində B.Ağayevin oktyabrın 10-da Biləsuvar rayonunun Bəydili kəndində bir evdən, bir həftə sonra isə Müşfiq Nəzərova məxsus digər bir evdən müxtəlif məişət əşyalarını oğurladığı məlum olub.