Bu gün Bakı Ağır Cinayətlər Məhkəməsində dələduzluqda və sənədlərin saxtalaşdırmaqda təqsirləndirilən 1981-ci il təvəllüdlü Nazim Zülfüqarovun cinayət işi üzrə məhkəmə iclası başa çatıb.

"Report"un xəbərinə görə, hakim Mirzə Xankişiyevin sədrliyi ilə keçirilən prosesdə hökm oxunub.

Məhkəmənin hökmü ilə N.Zülfüqarov 5 il müddətinə azadlıqdan məhrum edilib. Ona şərti cəza təyin edilib və məhkəmə zalından azadlığa buraxılıb.

Qeyd edək ki, ittiham aktına əsasən, N.Zülfüqarov analığı, Bakı şəhər sakini Gülrux Əliyevanın külli miqdarda pulunu ələ keçirib. Belə ki, G.Əliyeva pulunu banka qoymaq üçün N.Zülfüqarova verib. Banka qoyulan pullar G.Əliyevanın xəbəri olmadan ələ keçirilib.

N.Zülfüqarov analığı G.Əliyevanın ümumilikdə 340 min dollar pulunu sənədləri saxtalaşdırmaq yolu ilə mənimsəyib.