İngiltərə Premyer Liqasının 20-ci turunda "Southampton"u qəbul edən "Tottenham"in 5:2 hesabı ilə qələbə qazanıb. London klubunun qollarından 3-nü Harri Keyn rəqib qapısından keçirib. Goal.az xəbər verir ki, 24 yaşlı hücumçu 2017-ci təqvim ilində Premyer Liqada 6-cı dəfə het-trikə imza atıb. Bu, turnirin tarixində rekord göstəricidir. Keyn Alan Şirerin 1995-ci ildə "Blackburn Rovers" müəyyənləşdirdiyi rekordu da yeniləyib. Şirer 22 il öncə 42 oyuna 36 qol vurmuşdusa, Keyn 36 oyuna 39 dəfə fərqlənib.