Petro Poroşenko İlham Əliyevi doğum günü münasibətilə təbrik edib


Siyasət 24 Dek 2017 09:50:39 277 0

Petro Poroşenko İlham Əliyevi doğum günü münasibətilə təbrik edib

Ukrayna Prezidenti: "Sizə möhkəm cansağlığı arzu edirəm"

Ukraynanın Prezidenti Petro Poroşenko Azərbaycan Prezidenti İlham Əliyevi doğum günü münasibətilə təbrik edib.

"Report"un məlumatına görə, məktubda deyilir:

Zati-aliləri.

Ad gününüz münasibətilə səmimi təbriklərimi qəbul edin.

Aramızda qurulmuş etibarı və qarşılıqlı anlayışı yüksək qiymətləndirirəm. Əminəm ki, fəal dövlətlərarası dialoq və birgə səylərimiz Ukraynanın və Azərbaycan Respublikasının suverenliyinin və ərazi bütövlüyünün bərpa olunmasına yardım edəcək.

Qəti əminəm ki, dərin tarixi köklərə malik Azərbaycan-Ukrayna strateji tərəfdaşlıq əlaqələri gələcəkdə də həm ikitərəfli ölçüdə, həm də beynəlxalq strukturlar çərçivəsində fəal inkişaf edəcək.

Hörmətli İlham Heydər oğlu, Sizə möhkəm cansağlığı, həyat enerjisi və dost Azərbaycan xalqının səadəti uğrunda dövlət başçısı vəzifəsində fəaliyyətinizdə yeni nailiyyətlər arzu edirəm.