Təcili yardım işçisi ən azı üç ölümcül pasienti evlərinə qaytararkən damarlarına iynə ilə hava vurub onları öldürməkdə təqsirləndirilir.

Son.az BBC-yə istinadən bildirir ki, dəfnetmə şirkətinin hər meyit üçün ona 300 avro (600 manat) ödədiyi iddia edilir.

İtaliya mətbuatı bunu "təcili ölümə yardım" qalmaqalı adlandırıb.

Polis təcili yardım işçisini keçmişdə mafiya üzvü olmuş bir nəfər və bir televiziya proqramının araşdırmasına əsasən həbs edib. Təcili yardım işçisi könüllü qətldə ittiham olunur.

İddia olunur ki, 42 yaşlı işçi kiçik Biankavilla şəhərinə pasientləri daşıyarkən onların damarlarına iynə ilə hava vurub. Nəticədə pasientlər emboliyadan ölüblər.