İranda 5,2 bal gücündə zəlzələ olub.

"Report" xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Yeraltı təkanlar Raver şəhərindən 46 kilometr məsafədə qeydə alınıb. İranın Qırmızı Aypara Cəmiyyətinin Xilaetmə və Yardım Təşkilinin Kerman vilayəti üzrə başçısı bildirib ki, hələlik tələfat və ya dağıntı barədə xəbərlər daxil olmayıb.

İranda daha əvvəl baş vermiş 5,2 bal gücündə zəlzələ zamanı 2 nəfər ölüb, azı 117 nəfər xəsarət alıb.