Bonuççi "Milan"a gəldiyinə görə peşman olub
İdman 21 Dek 2017 13:50:00 256 0
Leonardo Bonuççidə "Milan"ın idman layihəsinə qarşı etimadsızlıq yaranıb. Goal.az xəbər verir ki, onun yanvarda və ya mövsümün sonunda klubunu dəyişməsi istisna edilmir. Mərkəz müdafiəçisi 2017-ci ilin yayında "Juventus"dan 40 milyon avroya "rossoneri"nin heyətinə qoşularaq çoxlarını təəccübləndirmişdi. Yay transferlərinə kifayət qədər pul xərcləyən "Milan" A Seriyasında zəhmətinin bəhrəsini görməməklə yanaşı, "Financial fair play"lə bağlı cəzalandırılma təhlükəsi ilə üzləşib. Bonuççi "Manchester City", "Chelsea" və PSG-nin maraq dairəsində idi. Onun müdafiədən ön xəttə dəqiq uzun ötürmələr verməsini "City"nin baş məşqçisi Xosep Qvardiola çox bəyənir. 30 yaşlı futbolçunun "Milan"la müqaviləsi 2022-ci ildə başa çatacaq.
Mənbə: goal.az