ABŞ-ın Vaşinqton ştatında, "Amtrak" dəmiryolu şirkətinə məxsus qatarın relsdən çıxması nəticəsində baş vermiş qəza zamanı 100-dən çox insan xəstəxanaya yerləşdirilib.

"Report" xəbər verir ki, bu barədə TASS məlumat yayıb. 

Yaralılardan 4-nün vəziyyətinin ağır olduğu bildirilir. Qatar Sietldən Portlend istiqamətində hərəkət edirmiş. 

"Associated Press" agentliyinin məlumatında isə qeyd olunur ki, hadisə zamanı azı 6 nəfər ölüb. 

***23:02

ABŞ-da sürət qatarının relsdən çıxması nəticəsində azı ölənlərin sayı 6 nəfərə çatıb. 

"Report" xəbər verir ki, bu barədə "Associated Press" rəsmi şəxsə istinadən məlumat yayıb.

Onun sözlərinə görə, ölənlərin sayı arta bilər. Məmur bildirib ki, ilkin məlumatlar qatarın relsdən çıxmasından əvvəl nəyəsə çırpıldığını göstərir. 

Qeyd edək ki, yerli KİV hadisə zamanı 77 nəfərin xəsarət aldığını bildirib. 

Hadisə ilə əlaqədar Vaşinqton ştatında fövqəladə vəziyyət elan edilib. 

***22:16

ABŞ-da sürət qatarının relsdən çıxması nəticəsində azı 3 nəfər ölüb. 

"Rerort" xəbər verir ki, bu barədə TASS məlumat yayıb.

Qeyd edilir ki, ölənlərin hamısı sərnişinlərdir. Hadisə Vaşinqton ştatının şimal-qərb hissəsində baş verib. 

Qəza zamanı daha 77 nəfər xəsarət alıb.

***21: 43

ABŞ-ın Vaşinqton ştatının şimal-qərb hissəsində baş vermiş qatar qəzası zamanı bir neçə nəfər ölüb.

"Report" xəbər verir ki, bu barədə TASS "Reuters"ə istinadən məlumat yayıb.

Xəstəxanadan verilən məlumata görə, hadisə zamanı daha 77 nəfər xəsarət alıb. 

Qeyd edək ki, sürət qatarı relsdən çıxıb.