Bu il turistlər Azərbaycanda 1 milyard 300 milyon dollar xərcləyiblər
İqtisadiyyat 18 Dek 2017 12:05:36 251 0
Bu ilin 11 ayı ərzində Azərbaycana 2 milyon 477 min nəfərdən çox turist gəlib
"Son illər ərzində turizm Azərbaycan iqtisadiyyatının şaxələndiriməsi işində aparıcı sahələrdən biri olub".
"Report" un məlumatına görə, bunu mədəniyyət və turizm nazirinin müavini Nazim Səmədov Beynəlxalq Miqrant Günü ilə bağlı Bakıda keçirilən tədbirdə deyib.
N.Səmədov bildirib ki, 2016-cı ilin müvafiq dövrü ilə müqayiədə bu ilin 11 ayı ərzində Azərbaycana gələn turistlərinm sayı 20 faiz artıb və 2 milyon 477 mindən çox olub.
O qeyd edib ki, ölkəyə gələn xarici turistlər 1.3 milyard dollar xərcləyib, Azərbaycandan xaricə gedən turstlər isə 1.2 milyard dollar xərcləyiblər: "Bu sahədə 100 milyon dollar müsbət saldo yaranıb ki, bu da təqdirəlayiq haldır."
Mənbə: report.az