Prezident İlham Əliyev: Azərbaycanın dünya elm xəzinəsinin daha da zənginləşməsində özünəməxsus yeri var
Digərləri 15 Dek 2017 11:33:00 179 0
Prezident İlham Əliyev Azərbaycanın gənc alimlərinin I qurultayının iştirakçılarını təbrik edib.
Bakı. İlhamə İsabalayeva -
Prezident İlham Əliyev Azərbaycanın gənc alimlərinin I qurultayının iştirakçılarını təbrik edib.
Trend xəbər verir ki, təbrik məktubunu Prezident Administrasiyasının rəhbəri Ramiz Mehdiyev oxuyub.
Məktubda deyilir: "Hörmətli qurultay iştirakçıları, sizi Azərbaycanın gənc alimlərinin I qurultayının keçirilməsi münasibətilə səmimi qəlbdən təbrik edir, hər birinizə uğurlar arzulayıram.
Qloballaşmanın geniş vüsət aldığı müasir dövrdə elmi nailiyyətlərin gündən-günə artması və yüksək texnologiya sahələrinin sürətlə genişlənməsi, çevik innovasiya fəallığı yeni yanaşmanı tələb edir. Mövcud şərait gəncliyin intellektual potensialının tam üzə çıxması üçün əlverişli zəmin hazırlanmasını ön plana çıxarır.
Ümidvaram ki, gənc alimlərimizin ilk mötəbər məclisi zamanın çağırışlarına cavab olaraq bu istiqamətdə fəaliyyətin aparıcı meyillərinin müəyyənlik qazanmasına təkan verəcək. Mədəniyyətlər arasında əsrlər boyu körpü rolunu oynayan Azərbaycanın qədim dövr elmi nailiyyətlərinin qorunub saxlanmasında və dünya elm xəzinəsinin daha da zənginləşməsində özünəməxsus yeri var".
Xəbər yenilənir
Trend-in ən mühüm və maraqlı xəbərlərini "Telegram"da izləyin
Mənbə: az.trend.az