"Qızıl trebl" edə bilərikmi? Həyat davam etdiyi müddətdə ümid də var. Bir neçə cəbhədə mübarizə aparanda onların arasında seçim etməməliyik. "Juventus" kimi komanda qarşısına maksimum hədəflər qoymalıdır. Ötən il hər şey yaxşı idi. Təəssüf ki, Kardifdə baş tutan final oyununda işlər qaydasında getmədi. Son mövsümüm? "Hələ ki mən yararlıyam...". Suala belə cavab verərdim. İsveçlə oyundan sonra çox ismarıclar almışdım. İnsanlar başa düşür ki, karyeram boyu heç vaxt maska taxmamışam. Bunu qiymətləndirdilər".

"Qoca senyora"nın idman direktoru Pavel Nedved bu həftə komandanın hücumçusu Dibalanı tənqid edib. Çexiyalı funksioner ona şəxsi həyatında bəzi şeyləri qurban verməyi tövsiyə edib. Buffon buna münasibət bildirərkən Nedvedin sözlərini gənc həmkarına nəsihət kimi dəyərləndirib.

"Tənqid deyil, məsləhətdir. Paveli çox yaxşı tanıyıram. Yaxşı karyerası olan bir kəs kimi bunu deməyə haqqı var. İstedad və potensial baxımından Paulo indiki "Juventus"un nömrə biridir. Nə qədər çox nəsihət qəbul etsə, o qədər parlaq karyerası olacaq".