Son.az ABŞ-ın Milli Aerokismik Agentliyinin (NASA) rəsmi saytına istinadən bildirir ki, sənədə görə, NASA kommersiya və beynəlxalq tərəfdaşlarla innovativ, dayanıqlı əməkdaşlığı təmin etməli, bu minvalla bəşəriyyətin Günəş sistemindən kənara çıxan uçuşlarına nail olmalı, Yerə yeni biliklər və imkanlar verməlidir.

"Bu sənəd 1972-ci ildən bəri amerikalı astronavtların Aya qayıdışı istiqamətində ilk addımdır. Bu dəfə Ayda bayrağımızı dikəldərək izlərimizi qoymaqla kifayətlənməyəcək, Marsa və bəlkə də nə zamansa başqa dünyalara missiyaların əsasını qoyacağıq", - D.Tramp deyib.

Ağ Evdə sənədin imzalanma mərasiminə ABŞ-ın uğurlarını xatırlatmaq üçün Aydan gətirilmiş daşı aparıblar. Həmin daş parçasını Aydan "Apollo-17" missiyası götürmüşdü. 1972-ci ilin dekabrın 11-də gerçəkləşdirilmiş bu missiya ABŞ-ın Aya 6-cı və son missiyası idi.