Mingəçevirdə qaçqın şəhərciyində yanğın baş verib, 5 nəfər tüstüdən zəhərlənib
Sosial 11 Dek 2017 23:16:41 234 0
Hadisə doqquzmərtəbəli binada qeydə alınıb
Mingəçevir – Xaldan şossesi üzərində yerləşən 1-ci qaçqın və məcburi köçkün şəhərciyində yanğın baş verib.
"Report"un Şirvan bürosu xəbər verir ki, hadisə 9 saylı doqquzmərtəbəli binada qeydə alınıb.
Əraziyə Fövqəladə Hallar Nazirliyinin bir neçə yanğınsöndürmə briqadası cəlb olunub.
İlkin məlumata görə, yanğın zamanı 5 nəfər tüstüdən zəhərlənərək xəstəxanaya yerləşdirilib.
Daha üç "təcili yardım" maşını hadisə yerinə göndərilib.
Hazırda yanğının söndürülməsi istiqamətində iş aparılır.
Mənbə: report.az