1.Adolf Hilter A.Hitlerin bu fotosu ölümündən 48 saat öncə çəkilib. Onun bu görüntüsü köməkçisi Xulio Şaub ilə etdiyi toplantıdan sonra Berlində çəkilib. İddialara görə, A.Hitler 30 aprel 1945-ci ildə ölü halda tapılıb.

2. Fidel Kastro 90 yaşlı Fidel Kastronun son fotosu ölümündən 10 gün öncə çəkilib. Vyetnamın prezidenti Tran Dai Quanq 15 noyabr 2016-cı ildə Kuba liderinə bir portret təqdim edib.

3. Bənazir Bhutto Pakistanın ilk qadın prezidenti Bənazir Bhuttonun son fotosu 27 dekabr 2007-ci ildə Pakistanın Ravalpindi şəhərində ölümündən bir neçə dəqiqə öncə çəkilib. Kütləni salamlamaq üçün maşının üstündən boylanan B.Bhutto kamikadzenin hücumu ilə öldürülmüşdü.

4. Şahzadə Diana Şahzadə Diana 31 avqust 1997-ci ildə Paris şəhərində avtomobil qəzasına düşüb. Həmin bu foto çəkildikdən saniyələr sonra avtomobil "Pont de l'Alma" tunelinə daxil olub və sürücü idarəetməni itirərək qəza keçirib. Ağır xəsarətlər alan Diana xəstəxanada vəfat edib.

5. Uitni Hyuston Bu foto Uitni Hyustonun ölümündən iki gün öncə, "Tru Hollivud" klubundan çıxarkən çəkilib. Məşhur müğənni 11 fevral 2012-ci ildə "Beverli Hilton" otelində huşsuz halda tapılıb. Daha sonra xəstəxanada keçinib.

6. Tupak Şakur Məşhur repçi Tupak Şakurun son fotosu 7 sentyabr 1996-cı ildə, silahla vurulmadan bir neçə saniyə öncə çəkilib.

7. Vladimir İliç Lenin Bu foto 1923-cü ilin may ayında çəkilən və SSRİ-nin qurucusu V.İ.Leninin bilinən son fotosudur. Kommunist lider 21 yanvar 1924-cü ildə vəfat edib.

8. Pol Valker Bu foto məşhur aktyor Pol Valkerin ölümündən bir neçə dəqiqə öncə çəkilib. "Forsaj" filminin ulduzu 2013-cü ildə bir yardım tədbirinə qatıldıqdan sonra keçirdiyi avtomobil qəzasında həlak olub.

9. Maykl Cekson Məşhur müğənni Maykl Ceksonun son fotosu ölümündən 48 saat öncə verəcəyi konsertin məşqləri əsnasında çəkilib. O, 25 iyun 2009-cu ildə Los Ancelesdə vəfat edib. Pop ulduzun ölüm xəbərinə dözə bilməyən 11 fanatı da intihar etmişdi.

10. Con Kennedi ABŞ Prezidenti Con Kennedinin son fotosu 22 noyabr 1963-cü ildə sui-qəsddən bir neçə saniyə öncə çəkilib.

11. Martin Lüter Kinq Sol tərəfdəki foto 3 mart 1968-ci ildə Memfis şəhərindəki "Lorin" hotelində çəkilib. Bir gün sonra isə eyni yerdə sui-qəsd təşkil edilib. Sağdakı foto isə Kinq vurulduqdan dərhal sonra lentə alınıb.

12. Merilin Monro Ulduzun bu fotosu ölümündən az öncə pianoçu Buddi Qreso ilə birlikdə çəkilib. O, 5 avqust 1962-ci ildə Los Ancelesdəki evində psixiatoru tərəfindən ölü halda tapılıb.

13. Stiv Cobs "Apple" şirkətinin sahibi Stiv Cobsun son fotosu Kaliforniyadakı evində çəkilib. Foto 5 oktyabr 2011-ci ilə aiddir. O, iki dəfə yoluxduğu xərçəng xəstəliyindən vəfat edib.

14. Nikola Tesla Bu foto N.Teslanın son fotosu olaraq bilinir. O, 7 yanvar 1943-cü ildə "Nyu Yorker" otelində vəfat edib.

15. Robin Uilyams Məşhur aktyor Robin Uilyamsın meymunu Kristal ilə birgə çəkildiyi fotosu ölümündən 20 gün öncə yayımlanıb. O, 11 avqust 2014-cü ildə intihar edib. (publika.az)