Ərdoğan Qüds məsələsini 3 dövlətin lideri ilə müzakirə edib


Dünya 06 Dek 2017 15:26:39 291 0

Ərdoğan Qüds məsələsini 3 dövlətin lideri ilə müzakirə edib

Müzakirələr zamanı Qüdsün İsrailin paytaxtı kimi tanınmasının Yaxın Şərqdə sülh prosesinə zərbə vuracağı bildirilib

Türkiyə prezidenti Rəcəb Tayyib Ərdoğan ABŞ-ın Qüdsü İsrailin paytaxtı kimi tanımaq planını İran prezidenti Həsən Ruhani, Malayziyanın baş naziri Hacı Mohd Najib bin Tun Haji Abdul Razak və Tunis prezidenti Beci Qaid əs-Sebsi ilə müzakirə edib.

“Report” “Haber7”yə istinadən xəbər verir ki, R.T.Ərdoğan hər üç ölkənin liderinə ayrı-ayrılıqda zəng edib. 

Müzakirələr zamanı Qüdsün İsrailin paytaxtı kimi tanınmasının Yaxın Şərqdə sülh prosesinə zərbə vuracağı bildirilib.

Qeyd edək ki, dekabrn 6-da İordaniya kralı Abdulla II ibn Hüseynin Türkiyəyə səfəri başlayıb. R.T.Ərdoğanın məsələni İordaniya kralı ilə müzakirə edəcəyi gözlənilir.

Xatırladaq ki, ötən gecə ABŞ Prezidenti Donald Tramp İsrail, İordaniya, Fələstin, Misir və Səudiyyə Ərəbistanı rəhbərliyi ilə müzakirə aparıb. O, Yaxın Şərq ölkələrinin liderlərinə deyib ki, dekabrın 6-da Qüdsü İsrailin paytaxtı kimi tanıya bilər.