Bakı. Azərbaycan və Birləşmiş Ərəb Əmirlikləri (BƏƏ) arasında sıx əməkdaşlıq münasibətləri var. Trend-in məlumatına görə, bunu BƏƏ-nin Azərbaycandakı səfiri Mohamed Hamel Alqubaisi BƏƏ-nin qurulmasının 46-cı ildönümünə həsr olunmuş tədbirdə deyib. Səfir qeyd edib ki, BƏƏ və Azərbaycan arasında iqtisadiyyat, turizm və mədəniyyət kimi sahələrdə əlaqələrin genişlənməsi ikitərəfli münasibətlərin gücünü göstərir. Onun sözlərinə görə, bu ilin 9 ayı ərzində BƏƏ-dən Azərbaycana gələn turistlərin sayı 100 minə çatıb: "BƏƏ-nin Azərbaycandakı səfirliyi Ticarət Palatası yaradıb. Bu il ərzində Palatada ölkələrimiz arasında ticarət indeksinin artmasına maraq göstərən təxminən 40 ticarət tərəfdaşı və şirkətlərin iştirakı ilə iki görüş keçirmişəm". Trend-in ən mühüm və maraqlı xəbərlərini "Telegram"da izləyin