İspaniya La Liqasının 14-cü turunda "Athletic" səfərinə yollanan "Real" 1 xalla geri dönüb. Qolsuz başa çatan oyunun 86-cı dəqiqəsində 2-ci sarı vərəqə alan Madrid klubunun kapitanı Serxio Ramos meydandan qovulub. Goal.az xəbər verir ki, təcrübəli müdafiəçi Primerada 19-cü dəfə qırmızı vərəqə görüb. Bununla da, Ramos La Liqa tarixində ən çox meydandan qovulan 3 futbolçudan biri olub. O, Pablo Alfaro (Barcelona) və Xavi Aquado (Real Zaragoza) ilə qırmızı vərəqələrin sayına görə bərabərləşib. Ramos Çempionlar Liqasında 3, İspaniya Kubokunda isə 2 dəfə qırmızı vərəqə ilə cəzalandırılıb.