4-5 dekabr tarixlərində Moskvada Xəzəryanı dövlətlərin xarici işlər nazirlərinin müşavirəsi öz işinə başlayır.

“Report” xəbər verir ki, Rusiya, Azərbaycan, İran, Qazaxıstan və Türkmənistan XİN rəhbərlərinin görüşü yeddinci dəfə keçiriləcək.

Görüşdə əsas diqqət Xəzər dənizinin hüquqi statusuna dair Konvensiya, həmçinin Xəzərdə iqtisadiyyat, nəqliyyat, hərbi dəniz naviqasiyası, brokonyerliklə mübarizə, dəniz naviqasiyasının təhlükəsizliyinin təmin edilməsi və s. daxil olmaqla müxtəlif sahələrdə beştərəli əməkdaşlığı tənzimləyən sənədlərə yönəldiləcək.

Daha aktual regional və beynəlxalq problemlər üzrə fikir mübadiləsi aparılacaq. Görüşdə əsas məqsəd qarşıda Qazaxıstanda keçiriləcək V Xəzər sammitinə hazırlıqdır.