Xızıda 131 ədəd partlamamış hərbi sursat aşkar edilib
Sosial 02 Dek 2017 21:59:12 302 0
Nəticə etibarilə 167 000 kv.m (16.70 ha) ərazi yoxlanılıb
ANAMA-dan “Report”a verilən məlumata görə, dekabrın 2-də partlayış baş vermiş hərbi hissənin ətrafına baxış keçirilib, 131 ədəd partlamamış hərbi sursat (PHS), 548 ədəd partlamış-yanmış mərmi qalıqları və 436 kq yandırma məhsulu aşkar edilərək götürülüb, nəticə etibarilə 167 000 kv.m (16.70 ha) ərazi yoxlanılıb.
Ümumiyyətlə, 86 gün ərzində 20 845 ədəd PHS, 10 893 ədəd partlamış-yanmış sursat qalıqları və 73 684 kq yandırma məhsulu aşkar edilərək götürülüb, nəticə etibarilə 72 207 512 kv.m (7 221 ha) ərazi yoxlanılıb.
Bununla yanaşı, Xızı rayonunun Giləzi qəsəbəsi, Sitalçay, Yeni Yaşma, Şurabad kəndləri ərazisində 8 868 nəfər yerli sakin arasında mina təhlukəsizliyinə dair maarifləndirmə təbliğatı aparılıb.