ƏSA Teatrında “Adamlar və siçanlar” tamaşasının premyerası keçiriləcək
Digərləri 02 Dek 2017 13:59:58 167 0
Əsərin mövzusu daha çox bəşəri problemlərdən, dostluqdan və sevgidən bəhs edir
Bu barədə "Report"a teatrdan məlumat verilib.
Məlumata görə, amerikalı yazıçı John Steinbeckin “Adamlar və siçanlar” povesti əsasında hazırlanan eyniadlı tamaşanın premyerası dekabrın 19-u saat 19:00-da Azərbaycan Dövlət Opera və Balet Teatrının səhnəsində baş tutacaq.
Əsərin mövzusu daha çox bəşəri problemlərdən, dostluqdan və sevgidən bəhs edir.
Tamaşanın quruluşçu rejissoru, teatrın bədii rəhbəri Nihad Qulamzadədir. Rolları Elşən Əsgərov, Elvin Mirzəyev, Orxan Adıgözəl, Səmayə Ağayarova, Riad Sultanov, İmran Lalayev, Günay Məmmədova, Fərid Əliyev və Patti Smith canlandıracaq.
Həmçinin tamaşa zamanı nitq məhdudiyyətli tamaşaçılar üçün işarət dili ilə sinxron tərcümə olacaq.
Qeyd edək ki, “Adamlar və siçanlar” tamaşası ABŞ-ın Azərbaycandakı səfirliyinin dəstəyi ilə səhnələşdirilib.