Aİnin Cənubi Qafqaz üzrə xüsusi nümayəndəsi Bakıya gəlir
Siyasət 01 Dek 2017 17:29:00 231 0
Avropa İttifaqının (Aİ) Cənubi Qafqaz və Gürcüstan üzrə xüsusi nümayəndəsi Toivo Klaar dekabrın 4-5-də Bakıya səfər edəcək.
Son.az xəbər verir ki, bu barədə Trend-ə Avropa İttifaqının Bakı ofisindən məlumat verilib.
Məlumata görə, səfər çərçivəsində ölkə rəsmiləri ilə görüşlər keçiriləcək.
Qeyd edək ki, T.Klaar noyabrın 13-də Avropa İttifaqının Cənubi Qafqaz və Gürcüstan böhranı məsələləri üzrə xüsusi nümayəndəsi təyin olunub.
Bu vəzifəyə təyin olunmamışdan öncə T.Klaar Aİ-nin Gürcüstanda müşahidəçilər missiyasının rəhbəri postunu tutub.
Xatırladaq ki, bundan öncə Avropa İttifaqının Cənubi Qafqaz üzrə xüsusi nümayəndəsi Herbert Salber olub.
Digər maraqlı xəbərlər Son.az-ın Facebook səhifəsində
Mənbə: milli.az