"Azərbaycanın multikultural ənənələri dünya dövlətləri üçün nümunə ola bilər".

"Report" xəbər verir ki, bunu Bakı Beynəlxalq Multikulturalizm Mərkəzinin İsraildəki nümayəndəliyinin rəhbəri Arye Qut “Azərbaycan multikulturalizm modeli: etnomədəni müxtəliflik” mövzusunda beynəlxalq konfransda deyib.

Onun sözlərinə görə, Azərbaycan müxtəlif millətlərin sülh şəraitində yaşadığı yeganə dövlətlərdən biridir: "Ermənistan Azərbaycan ərazilərini işğal edib, ölkədə bir milyondan artıq qaçqın və məcburi köçkün var, ancaq buna baxmayaraq, Azərbaycanda antisemitizim heç zaman müşahidə olunmayıb və bu qürurverici bir faktdır".

A.Qut bildirib ki, Ermənistan prezidenti Serj Sarkisyan öz əməlləri ilə faşist Njdenin davamçısı olduğunu sübut edib.