İngiltərə millisinin sabiq futbolçusu Piter Krauç Premyer liqada daha bir maraqlı rekordun sahibi olub. Goal.az xəbər verir ki, liqa tarixində başla ən çox fərqlənən 36 yaşlı forvard "Birhton" - "Stoke City" (2:2) matçının 73-cü dəqiqəsində Şerdan Şakirini əvəzləyib. O, Premyer Liqada əvəzetmədən (143 dəfə) ən çox meydana çıxan futbolçu statusuna da sahib çıxıb. Krauç tvitterdə rekordla bağlı ünvanlanan təbriklərə: "Bununla fəxr etməliyəmmi?" - yazmaqla cavab verib.