Deputat: NATO-nun Türkiyəyə qarşı bu hərəkəti təəssüf doğurur
Digərləri 19 Noy 2017 10:30:00 255 0
NATO-nun Norveçdə keçirilən təlimlərində Türkiyə Cümhuriyyətinin qurucusu Mustafa Kamal Atatürkün və Türkiyə Cümhuriyyətinin hazırkı pezidenti Rəcəb Tayyib Ərdoğanın fotolarının düşmən hədəfi kimi gösrərilməsi əlbəttə təəssüfedici bir haldır.
Bakı. Elçin Mehdiyev –
NATO-nun Norveçdə keçirilən təlimlərində Türkiyə Cümhuriyyətinin qurucusu Mustafa Kamal Atatürkün və Türkiyə Cümhuriyyətinin hazırkı pezidenti Rəcəb Tayyib Ərdoğanın fotolarının hədəf kimi gösrərilməsi təəssüfedici haldır.
Bunu Trend-ə Milli Məclisin deputatı Bəxtiyar Sadıqov deyib.
B.Sadıqov bildirib ki, bu xoşagəlməz hadisədir və islamafobiyanın, ikili standartların təzahürüdür: “NATO-nun bu cür hərəkəti diplomatiyada, dövlətlərarası münasibətlərdə yolverilməz addımdır”.
NATO-nun bu məsələyə görə Türkiyədən üzr istəməsinə gəlincə isə B.Sadıqov vurğulayıb ki, NATO rəhbərliyi baş vermiş hadisədən düzgün nəticə çıxarıb: “Türkiyə heç vaxt digər dövlətlərin rəhbərlərinə, tarixi şəxsiyyətlərinə belə münasibət bəsləməyib. Qoy başqaları da bunu öyrənsin”.
Qeyd edək ki, Norveçdə NATO-nun hərbi təlimləri zamanı "düşmənlər"in fotolarının olduğu stend quraşdırılıb və həmin hədəf stendində Türkiyə Cümhuriyyətinin banisi Mustafa Kamal Atatürkün və Türkiyə prezidenti Rəcəb Tayyib Ərdoğanın şəkilləri əks olunub.
Trend-in ən mühüm və maraqlı xəbərlərini "Telegram"da izləyin
Mənbə: az.trend.az