Mingəçevirdə iki maşın toqquşub, xəsarət alan var
Digərləri 16 Noy 2017 22:44:00 261 0
Hadisə Səməd Vurğun meydanında qeydə alınıb
Mingəçevirdə "VAZ-21015" və "Opel" markalı avtomobillərin iştirakı ilə yol qəzası baş verib.
Son.az "Report"a istinadən bildirir ki, Səməd Vurğun meydanında qeydə alınmış qəza nəticəsində "VAZ"ın 1983-cü il təvəllüdlü sürücüsü, Yevlax şəhər sakini Məhəmməd Quliyev sifət nahiyəsindən müxtəlif dərəcəli xəsarətlər alıb. Onun başı zərbədən maşının alın şüşəsinə çırpılıb və şüşə tamamilə qırılıb. Hadisə yerinə gələn "təcili yardım" heyəti yerində yaralı şəxsə tibbi yardım göstərib. Baş vermiş hadisə ilə bağlı araşdırma aparılır.
Mənbə: milli.az